前线报料：塞圖巴爾 VS 馬里迪莫

軍情

塞圖巴爾今季7戰聯賽只得1個入球，攻力「弱絕」葡超，主帥卡斯奧山度士今場又要改變前中場人選；不過摩洛哥箭頭夏查積仍會受重用，上輪後備上陣的前鋒薛堅拿有望擔正。

馬里迪莫的巴西前鋒洛里高賓奴上輪後備上陣起孖，今季葡超已入4球，今場肯定會出任正選，全力支援巴西箭頭基達臣艾維斯。日本翼鋒前田大然亦會繼續負起側擊工作。

塞圖巴爾
停賽：／
上陣成疑：／
受傷／缺陣：柏祖沙（中場）、阿歷斯（前鋒）

馬里迪莫
停賽：／
上陣成疑：迪真加基斯（後衛）
受傷／缺陣：佐治哥利亞（中場）

近況

塞圖巴爾上輪聯賽作客0比1負賓菲加，只列中下游，但之後兩場盃賽1勝1和，有望回復信心；而且聯賽對賽近績佔優，又有主場之利，今場可睇高一線。馬里迪莫上輪聯賽主場贏摩里倫斯2比1，回升中游，但只不過比塞圖巴爾多1分；反而之後的3場盃賽只錄得2和1負，近況平平，作客更為不利。今場簡單取主勝。

對賽

?雙方近2次聯賽交手，塞圖巴爾全勝。
?雙方近2次聯賽交手，全開「總入球」1球。