藍十字追擊克雷塔羅|東方日報

墨超次階段好戲，克雷塔羅主場對藍十字（圖）。克雷塔羅長期低迷，首階段墊底，次階段未見起色，11仗僅得1勝排尾2，客隊藍十字近況出色，近6仗5勝1負，當中4仗保持不失，表現可靠，客勝屬信心之選。（周四早上11時05分開賽）

克雷塔羅近年積弱，但以前都風光過，「細哨」朗拿甸奴曾於2014至15年效力，不過近年就不值一提，長期徘徊榜尾，去年更爆發球迷衝突，今季首階段排包尾，就算次階段稍有起色，防線失球數字大減，11仗失17球唔算多，但可惜攻力太弱，今季僅入9球屬聯賽最少，仲要靠35歲嘅巴里拉支撐大局，好難翻身。

近6戰5勝弗爆
藍十字係2020至21年次階段季後賽冠軍，近兩季都保持水準，而且不時同巨星傳緋聞，例如今個冬窗就傳過想簽法卡奧同蘇亞雷斯，佢哋次階段早段表現失準，頭5仗僅得1和4負劣績，但好快已經修正，近期取得5勝1負走勢，排名重返較前位置，佢哋強勢持續，中前場個個識入波，今場對住弱旅克雷塔羅，客勝穩開。