費倫火力猛大盤啱素|東方日報

另一場歐協聯4強首回合，費倫天拿先於主場迎戰巴素利。兩軍踢法非常開放，癲鳳鬥狂龍，預料一開波就攻；費倫天拿近11仗歐協聯，有10次總入球開出3球或以上，2.5球入球大係心水之選。

（Now 646周五凌晨3時直播）

意甲球隊費倫天拿表現令人驚喜，憑強勁攻力打入歐協聯4強，根據歐洲足協統計數字，「紫百合」喺歐協聯射門次數合共217次，比次席真特嘅176次多41次，入球數字費倫天拿都係冠絕歐協聯咁多隊，32個入波比起排第2嘅韋斯咸多8粒，前鋒盧卡祖域同亞瑟卡比爾同以6球領先歐協聯射手榜，數字已經說明一切。

既然進攻係最佳晉級方程式，費倫天拿首回合主場迎戰巴素利，肯定會沿用進取風格，力爭先下一城。不過「紫百合」防守一般，失球數字亦唔少，導致近11仗歐協聯，有10次總入球開出3球或以上。

巴素利作客隨時鬥攻
至於瑞士球隊巴素利踢法亦相當開放，喺歐協聯射門次數同入球數字，分別排第3同第4，一樣係有前冇後，佢哋喺16強及8強合共4場比賽，法定時間都係打和，其中3場踢成2比2，相信今仗造訪意大利亦唔會退縮，勢同費倫天拿鬥攻，不妨再追入球大。