歐國聯:黃金一代誓搶盃圓夢 格仔兵鬥狂牛大有睇頭_東方日報
时间:2023-06-18 20:08 | 作者:足球帝 | 来源: 网络 我要分享
今晚歐國聯爆發王者戰,由克羅地亞於中立場同西班牙爭冠。「格仔兵團」尋求史上首個大賽冠軍,隊長莫迪歷等「黃金一代」為圓捧盃夢,勢必搏埋條老命;「狂牛」西班牙上屆屈居亞軍,自然唔想重蹈覆轍。雙方鬥心爆棚,加上近年碰頭例必大手交易,2.5球入球大咪錯過。(周一凌晨2時45分開賽)
克羅地亞喺4強憑隊長莫迪歷炮製3個入波,包括先博到12碼,再交出助攻及操刀極刑得手,戲劇性加時以4比2反勝東道主荷蘭,首度殺入歐國聯決賽,呢位37歲老將亦當選最佳球員。「格仔兵團」近年屢創佳績,近兩屆世盃獲得一亞一季,莫迪歷、卡拉馬歷、比列錫及波索域等「黃金一代」居功至偉,只係每次離冠軍總係差啲啲,難得今次殺入歐國聯決賽,莫迪歷講到明希望為克軍帶來史上首冠,搏埋條老命都在所不計。
西班牙祖斯奴近期行運
另一邊廂,「狂牛」西班牙喺4強以2比1力克意大利,新帥富安迪帶咗4場波就有機會捧盃,認真好腳頭。當中祖斯奴可以話係球隊嘅幸運星,富帥首仗領軍係歐國外大勝挪威3比0一役,尾段入替嘅祖斯奴,短短3分鐘即梅開二度,令呢位新帥開個靚頭。上仗對意大利,洛迪卡斯簡迪完場前起腳省到對手後衞,個波咁啱落喺後備入替冇耐嘅祖斯奴腳下,又攻入絕殺士哥,真係行運行到落腳趾尾,今晚呢位老將隨時又做後備奇兵。
值得留意「狂牛」喺歐國聯演出相當穩定,連續兩屆打入決賽,上屆反輸畀法國1比2,梗係唔想再做二奶,鬥心必堅。翻查紀錄,兩軍近4次正面交鋒,法定時間全開3球或以上,包括2018年歐國聯分組賽,兩循環各贏一場,合共製造11個士哥,預計今仗甚有機會再演入球騷,大盤有計。
克羅地亞喺4強憑隊長莫迪歷炮製3個入波,包括先博到12碼,再交出助攻及操刀極刑得手,戲劇性加時以4比2反勝東道主荷蘭,首度殺入歐國聯決賽,呢位37歲老將亦當選最佳球員。「格仔兵團」近年屢創佳績,近兩屆世盃獲得一亞一季,莫迪歷、卡拉馬歷、比列錫及波索域等「黃金一代」居功至偉,只係每次離冠軍總係差啲啲,難得今次殺入歐國聯決賽,莫迪歷講到明希望為克軍帶來史上首冠,搏埋條老命都在所不計。
西班牙祖斯奴近期行運
另一邊廂,「狂牛」西班牙喺4強以2比1力克意大利,新帥富安迪帶咗4場波就有機會捧盃,認真好腳頭。當中祖斯奴可以話係球隊嘅幸運星,富帥首仗領軍係歐國外大勝挪威3比0一役,尾段入替嘅祖斯奴,短短3分鐘即梅開二度,令呢位新帥開個靚頭。上仗對意大利,洛迪卡斯簡迪完場前起腳省到對手後衞,個波咁啱落喺後備入替冇耐嘅祖斯奴腳下,又攻入絕殺士哥,真係行運行到落腳趾尾,今晚呢位老將隨時又做後備奇兵。
值得留意「狂牛」喺歐國聯演出相當穩定,連續兩屆打入決賽,上屆反輸畀法國1比2,梗係唔想再做二奶,鬥心必堅。翻查紀錄,兩軍近4次正面交鋒,法定時間全開3球或以上,包括2018年歐國聯分組賽,兩循環各贏一場,合共製造11個士哥,預計今仗甚有機會再演入球騷,大盤有計。
本站系本网采集转载,转载目的在于传递更多信息,并不代表本网赞同其观点和对其真实性负责。如涉及作品内容、版权和其它问题,请在三十日内与本网联系,我们将在第一时间删除内容
相关阅读
无相关信息热门新闻
- 堅守與傳承 ──信任老將扶助幼苗_大公
上圖:趙繼偉(左)在總決賽表現出大將風範。下圖:老將韓德君(右)的專業精神
- 日本聯賽盃:鹿角態勇力足劏鵝_市民日報
- 歐國聯:黃金一代誓搶盃圓夢 格仔兵鬥狂
- 歐國聯:季軍戰冇包袱荷意做大騷_東方日
- 日聯盃:搶分爭出線大阪打吡撐櫻花_東方
- 格仔軍冀剝「牙」圓夢_文匯報
- 荷蘭主場有戰「意」 季軍戰拒失威_文匯
- 阿諾特串演中場收奇效_文匯報
- 米高佐敦賣持股 卸下黃蜂大股東身份_文
- 中國女排重整旗鼓今鬥意大利_大公報
最新评论