西甲：巴塞上盤靠得住_東方日報

執靚防線主場發維
西甲踢咗7輪，暫時只有榜首基羅納同排第3嘅巴塞保持不敗；頻密賽程之下，巴塞主帥沙維近仗作出輪換，周中作客馬略卡，羅拔利雲度夫斯基暫列後備，加上門將達史特根犯錯先搞到兩度落後，但巴塞始終質素較高，憑小將費明扳平2比2，末段「羅拔佬」錯失絕殺機會未能反勝。

連同前仗主場反勝切爾達3比2，巴塞近兩仗連失4球，相信沙維今仗會正視問題，對防線進行調整，畢竟巴塞是上季失球最少球隊，仍然值得投以信心一票。

西維爾表現持續低迷
西維爾今季以歐霸盃冠軍身份進軍歐聯，但聯賽成績持續低迷，開季3連敗，兼且在歐超盃不敵曼城失冠，聯賽至今6戰僅得2勝1和3負排中游。上仗主場贏艾美利亞5比1只因對手太弱，實力不宜高估，今仗作客魯營球場難逃輸波厄運。