歐冠：皇馬訪布拉加細在必行_東方日報

同時間另一場歐聯C組賽事，布拉加主場迎戰皇家馬德里，布拉加主場防守硬淨，今季7仗主場6次開3球或以下，「銀河艦隊」上仗聯賽作客同西維爾驚險逼和1比1，今場作客未必攻得入布拉加大門，3.5球入球細值得一試。（Now645周三凌晨3時直播）

布拉加以往僅參加過歐霸盃同歐協聯，只係喺2012至13年踢過歐聯分組賽，結果包尾出局，今屆能夠進軍踢歐聯可謂機會難得，佢哋頭兩仗獲1勝1負，翼鋒阿文度布馬兩場都有「士哥」，包括上仗3比2反勝柏林聯打開勝利之門，士氣大振，但佢哋始終並非歐聯常客，今場面對14屆盟主皇馬，估計會縮後嚟踢，希望搶到分。

艦隊今屆兩戰皆小勝
另邊廂，皇馬今屆小組2連勝，不過兩場勝仗都僅勝1球，上場西甲作客西維爾仲差啲輸波，傷愈復出嘅阿拉巴擺烏龍先落後，靠丹尼爾卡華積末段扳平1比1執番1分，似乎早前國際賽檔期對佢哋有一定影響，今場對住布拉加嘅密集防守，將會係一場硬仗，相信入球唔會多，捧中位數3.5球入球細。