意甲：安玻里主場好守細_東方日報

至於頭場意甲賽事，今季入波最少嘅球隊安玻里，將會喺主場迎戰阿特蘭大。安玻里鋒力疲弱，不過主場擅踢守勢波，阿特蘭大球員舟車勞頓下，未必可以發揮水準，今仗隨時係悶戰一場，2.5球嘅入球細值得捧場。（Now638周二凌晨1時30分直播）

阿特蘭大連續客戰未回氣
安玻里今季要為護級掙扎，最大問題係入球能力太低，即使上仗爆冷2比0贏費倫天拿，但今季9場聯賽只入3球，仍然係意甲入波最少嘅球隊。佢哋今季搶分最大法寶，就係唔錯嘅防守力，主場獨沽一味死守戰術，今季5場聯賽主場，總入球全開2球或以下，近5場聯賽亦有4場總入球少過3球。

阿特蘭大雖然踢法主攻，不過上周中喺歐霸盃作客激戰後，球員體力未有足夠時間恢復，今場唔會搶得太盡，而且阿特蘭大近4場聯賽作客3敗，要扭轉頹勢相信會踢得特別穩陣，今場開2.5球嘅細盤機會極高。