西甲：留前鬥後睇準先嚟料 皇馬半細簡得過_東方日報

西甲好戲碼，皇家馬德里主場迎戰華歷簡奴，表面上兩隊實力有距離，但其實華歷簡奴今季表現相當硬淨，近7場聯賽保持不敗，皇馬想贏並唔容易，考慮到「銀河艦隊」往往留前鬥後，近4場上半場總入球全開1球或以下，並且經常最後時刻絕殺對手，一於再追中位數1.5球嘅半場細。（Now632周一凌晨4時直播）

教練安察洛堤將進攻中場祖迪比寧咸打造成入波核心，聯賽已有10球進帳，排喺射手榜第1位。不過，其他皇馬球員入球數字偏少，祖迪比寧咸多數下半場，甚至補時先入波，造成上半場比較少交收。加上上仗惡鬥完巴塞隆拿，嚟緊周中又要出戰歐聯，今場可能會有所留力。

華歷簡奴硬淨頂得住
另邊廂，華歷簡奴今季喺法蘭斯高執教下，表現四平八穩，唔經唔覺已經保持7場聯賽不敗，當中有5場打和，可見就算贏唔到，對手要擊敗佢哋亦非易事。而且華歷簡奴上次作客皇馬，僅負1比2，上半場僅落後0比1，1.5球半場細值博。