歐冠分組過半漸入戲肉_澳門日報

歐冠分組過半漸入戲肉

歐洲球壇又到繁忙一周，剛踢完聯賽又將要投入歐洲賽事。歐冠盃分組賽已進行了一半，幾支傳統強隊都有穩定發揮，拜仁、皇馬、巴塞及曼城各有九分在手，出線基本不成問題；曼聯暫得一勝排第三，但僅落後加拉塔沙雷一分，絕對有機會出線。上輪在主場小勝哥本哈根，今周作客必須盡力爭勝，加強下仗撼加拉塔沙雷的決定性賽事，若其中有一場有閃失，出線恐成泡影。

B組阿仙奴爆冷被法國朗斯擊敗，局勢有少少吃緊，但阿仙奴在小組的實力仍勝一籌，出線應不成問題；C組除皇馬外，拿坡里發揮亦正常，應可攜手出線。E組有飛燕諾異軍突起，馬體會及拉素暫隨後，小組每場都將是戲肉，值得留意，拉素今周再鬥飛燕諾更是關乎出線之戰。

F組死亡之組和賽前估計一樣，未到最後難料出線，每場都不容錯過，個人較睇好近況大勇的紐卡素最後可以首名晉級。G組冇懸念，H組波爾圖與薩克達爭次名，相信要鬥到最後一場才有結果。

F組今周再有多蒙特鬥紐卡素及AC米蘭撼巴黎聖日門。紐卡素大勇大熱，極可能擊敗多蒙特，AC米蘭雖在這組未嘗一勝，但場面上絕對不失禮，今場對榜首聖日門，一場勝利足以令這組名次翻天覆地，對AC米蘭投下信心一票。

足球評述員微灝