英超：對狼隊例少交收 富咸穩陣波做細界_東方日報

周二凌晨英超獨腳戲，富咸主場迎戰狼隊。富咸近期狀態差勁，近4場聯賽只得1分，逐漸捲入護級漩渦，今仗為「止血」必定先鞏固防務。考慮到狼隊不擅作客，兩隊今場隨時大踢穩陣波，博2.5球入球細先係明智之選。（Now621周二凌晨4時直播）

富咸近期成績不穩，不過佢哋主場演出其實唔算好差，近4仗聯賽主場2勝2負，兩場輸波分別係對車路士同曼聯，都係大部分時間穩守下，因一時錯漏而僅僅落敗，由賓特尼奴把關嘅防線一向予人信心，可惜球隊今季賣走阿歷山大米祖域後，一直搵唔番數胡人物，變成只守不攻。
黃喜燦作客未開齋

另邊廂，狼隊表現同樣大起大落，上仗迎戰熱刺大部分時間落後下，補時階段連入兩球反勝，不過佢哋嘅快速反擊戰術，面對專注防守球隊往往威力大減，尤其在進攻核心柏度尼圖養傷下，創造力更見不足，首席射手南韓前鋒黃喜燦，今季仲未喺作客入過波。翻查兩隊近8次交手紀錄，總入球全開2球或以下，今仗博2.5球入球細好路。