歐冠：鋒線啞火巴塞細踢穩陣波_東方日報

歐聯H組榜首大戰，巴塞隆拿主場迎戰波圖。雙方同樣以9分並列前2位，領先第3位薩克達3分，預料今場交鋒會踢得比較謹慎，以免輸波被薩克達追至同分，而且巴塞中前場腳風唔順，近7場全開3球或以下，今場不妨向3.5球入球細埋手。（Now645周三凌晨4時直播）

波圖死守博1分
今仗勝負好睇雙方究竟點解讀小組形勢同戰意，簡單嘅話，巴塞只要贏波全取3分，就肯定可以提早晉級，至於波圖即使贏波，都要睇另一場薩克達戰果。如果薩克達亦擊敗安特衛普，小組最後一仗仍然要同薩克達爭一日長短，反而今場鬥巴塞輸波，就有機會畀薩克達追到同分。

巴塞隆拿喺魯營出擊當然想贏，不過佢哋近況啞火，近7場只攻入8球，射手羅拔利雲度夫斯基只曾於前仗射入2球，其餘6仗顆粒無收，呢7場總入球全開3球或以下，佢哋即使主場出擊都唔係好入得，近5場喺魯營踢嘅賽事，全部總入球亦少過4球，今場未必多波入。

波圖整體實力不及主隊，相信亦唔會冒險搶攻，佢哋首循環主場僅以0比1不敵巴塞，今次再碰頭，估計戰局唔會有大變化，都係以守代攻，希望最少取得1分，投注最好選擇係3.5球入球細。