西班牙盃：馬體會態勇可突維_市民日報

英超車路士顯示實力，周二在英格蘭聯賽盃準決賽次回合比賽，主場以6：1大勝英冠米杜士堡，兩回合總計以6：2反勝，率先晉級2月25日在溫布萊球場上演的決賽，紓緩了球隊上半季在英超差勁成績對新帥樸治天奴帶來的壓力，同時，該名阿根廷籍主帥力爭在英格蘭執教後首項錦標。

　　車仔今戰由保查掛帥，米杜士堡則由摩根羅渣士任箭頭；在首回合作客時以0：1落敗的車仔，今仗回歸主場，踢來非常積極，甫開賽便搶攻，控球率（62%對38%）及射門（13射6中龍對4射2中龍）均明顯佔上風，控制戰局，大捷是合理，其中，在首回合錯失3個入球良機成為輸波罪人的高爾彭馬，大打爭氣波，梅開二度，成為贏波功臣。

　　主隊開賽後12分鐘即有開紀錄機會，捷維爾快出迎的客軍門將高路華一步頭槌攻門，但卻高出。但僅相隔3分鐘，車仔即開紀錄，史達寧右路傳中，保查欲射空門時，侯臣想解圍時誤把皮球踢入自己球門，向車仔送大禮，車仔兩回合追成1：1平手。及後，安素費南迪斯及迪沙斯先後建功，助藍戰士反先3：1。完半場前3分鐘，高爾彭馬禁區邊搶甩巴拉沙腳下球射入，車仔半場已領先4球，穩獲晉級。到下半場，藍戰士未有收手，繼續積極進攻，在32分鐘，高爾彭馬再入球，車仔領先至5球。4分鐘後，後備出戰的馬杜基射成6：0。而該兩個入球同是由後備入替的干納加拉查助攻，表現不俗。完場前兩分鐘，米堡藉摩根羅渣士破蛋，最終慘敗1：6出局。

　　馬體會態勇可突維

　　西班牙盃半準決賽周四進行最後一場比賽，由馬德里體育會主場迎戰西維爾，馬體會實力較強，近況亦較佳，加上主場成績有保證，今戰可望順利取勝晉級。

　　馬德里體育會屬西甲勁旅，現於西甲排第四位，歐冠聯已晉16強，實力強橫，在西維爾之上，近3次交鋒贏晒，近態亦對辧，近4戰獲3勝，包括在上圈賽事經加時後洶汰強敵皇家馬德里，加上主場戰績極好，聯賽獲9勝1和不敗佳績，今仗取勝過關無難度；相反，西維爾今屆表現每下愈況，聯賽受降班威脅，近態又欠佳，近4場客場聯賽落敗，今仗作客難敵強勢的馬體會。其他賽事值得敲沙地阿拉伯、阿曼。