专家拆局：射手晒冷！拉素阿特兰大癫凤斗狂龙

射手晒冷！拉素阿特兰大癫凤斗狂龙

拉素连日丧操，今场大战一定有好戏睇。

今夜意甲尾场大战，拉素主场火併阿特兰大。拉素坐拥上季欧洲金靴得主恩莫比尼，攻力有保证，不过阿特兰大上届神奇杀入欧联8强，全民皆攻踢法充满娱乐性，加上王牌球星伊利锡复出，势必火力全开，3.5球嘅大盘有买趁早。

伊利锡回归火力再提升

上季意甲殿军拉素阵容并无大变动，新加盟嘅科索沃射手梅利基仍受伤患困扰，惟有继续依赖恩莫比尼数胡，呢位曾3夺意甲神射手、上季更擸埋欧洲金靴嘅意大利国脚，喺首轮击败卡利亚里亦顺利开斋，开个靓头。而且中场有路尔斯阿拔图、米连高域沙域等支援，恩莫比尼喺主场大把数胡机会。

阿特兰大连续2季夺得意甲季军，上届欧联更杀入8强，对于呢支冇乜钱买人嘅草根球队嚟讲，确係喜出望外。阿特兰大上季联赛攻入98球，全因队中攻击点众多，路尔斯梅利尔、杜云沙柏达及柏沙历等都有强大入球能力，令对手防不胜防。阿特兰大首轮亦贯彻主攻本色，以4比2大破拖连奴，虽然今夏有后衞卡斯泰尼离队，但签入阿根廷球星基斯甸罗美路已经融入，今场可以候命，可望加强球队防守力。

另一喜讯係上季复赛后因私人问题缺阵嘅伊利锡，终于重返大军正式回归，多埋呢张进攻王牌，火力必进一步提升。睇番两军近4次交锋，有3次开4球或以上，今仗又係癫凤斗狂龙格局，3.5球嘅大盘咪走鸡。