专家拆局：薛耶治亮相车路士大盘修成期

薛耶治亮相车路士大盘修成期

今晚车路士主场斗修咸顿，「蓝战士」开季4场只有2胜1和1负，成绩未如球迷预期，不过今场有进攻核心薛耶治首度登场，大大加强锋力；修咸顿亦有禾确特回归，可望合演入球骚，中位数2.5球大盘值支持。

禾确特回归「圣人」

车路士今季引入迪姆华拿及夏维斯等新兵后，进攻火力更勐，另一新兵薛耶治日前亦喺国际赛为摩洛哥复出，今晚可以喺英超处子登场。薛耶治创造力极强，由佢「发办」就最啱，一众锋将唔愁冇入波机会。

作客嘅修咸顿开季连输2场后，休战前2场联赛均能高奏凯歌，球员信心有所提升，除王牌丹尼艾格斯延续上季勇态，开咧4场入3球外，「圣人」喺转会窗死线前签入禾确特同中场伊巴谦马迪亚路，其中禾确特近年虽然未见突破，但佢嘅速度依然係修咸顿一大杀着。

车路士今季对住实力较弱嘅对手往往搵到食，喺白礼顿、西布朗及水晶宫身上至少攞到3个入球，4场联赛有3次总入球达3球或以上，大盘好路。