修咸頓 對 水晶宮

修咸頓 對 水晶宮

軍情

修咸頓的利物浦借將南野拓實，上輪因借用條例所限不能倒戈，今輪可以復出。中堅維斯達加特成功打甩紅牌，同場已可正選上陣。射手丹尼艾格斯、左閘賴恩貝特蘭，仍舊因傷缺陣；幸好，養傷多時的愛爾蘭年輕前鋒奧巴菲美，上輪已後備落場。

水晶宮近期未有增添傷兵，一眾主力均可悉數上陣。進攻中場伊比爾治伊斯狀態大勇，上輪聯賽交出1入波1助攻，協助球隊輕取錫菲聯。中鋒賓迪基上輪又有進帳，本季已累積7個英超入球，其中6球都是客場所得。

修咸頓
停賽：／
上陣成疑：／ 
受傷／缺陣：賴恩貝特蘭（後衛）、奧里奧爾羅美奧（中場）、史摩邦尼（中場）、丹尼艾格斯（前鋒）

水晶宮
停賽：／
上陣成疑：／ 
受傷／缺陣：馬馬度沙高（後衛）、湯堅斯（後衛）、尼敦費格遜（後衛）、麥亞瑟（中場）、域咸（前鋒）

近況

修咸頓上輪雖迫使利物浦門將艾利臣比加全場作出多次撲救，奈何仍以0比2敗陣，近4輪聯賽只得1分；防守又持續不穩，主場對賽輸蝕，今戰亦無勝算。水晶宮聯賽3連敗後，上輪面對錫菲聯成功止跌，贏來相當輕鬆；球隊季內出訪下游分子，勝出率相當高，包括下半季已曾在錫菲聯、白禮頓及紐卡素身上全取3分。水晶宮今輪遇上近期球