車路士未回氣細盤穩陣|東方日報

周四凌晨英足盃16強，英冠盧頓於主場挑戰車路士。盧頓近況出色，有力爭升班；反觀車路士賽程頻密，之前接連出戰歐聯16強首回合，以及英足盃決賽，未必回得切氣，今仗勢難傾巢而出搶攻，2.5球嘅入球細值得留意。

（周四凌晨3時15分開賽）
車仔坐擁盧卡古、夏維斯等出色鋒將，但攻擊力唔算強勁，近10場波未試過入多過兩球；加上球隊啱啱喺英聯盃決賽對利物浦，激戰120分鐘飲恨而回，士氣必然受挫。「藍戰士」目前英超前4位置未穩陣，領隊杜曹今場或會調整陣容，收起部分主力，包括上場受傷嘅隊長艾斯派古達，以及後衞杜利奧查洛巴，以應付兩日後的聯賽。

盧頓主場夠硬淨
主場嘅盧頓為英冠前列分子，近9場只嘗一敗，實力不容小覷，加上佢哋近8次地頭出擊保持不敗，今次對車路士有力製造驚喜。「藍戰士」近6場英足盃法定時間，5次開2球或以下，包括上圈90分鐘內同普利茅夫踢成1比1，直至加時階段先靠馬高斯阿朗素奠勝，今場一於再追2.5球細盤。