棄用黃金一代比利時焗獻細|東方日報

目前世界排名第1嘅比利時，周日凌晨將會作客愛爾蘭踢熱身賽。比利時自去年歐國盃失利後，已經開始進入重建期，今場就大膽棄用盧卡古、奇雲迪布尼等老將，改為重用較年輕球員，相信新軍要一定時間磨合，今場面對硬淨嘅愛爾蘭勢必陷入苦戰，博2.5球嘅入球細好路。（有線662及602台周日凌晨1時直播）

比利時去年在歐國盃8強出局，「黃金一代」步向終結，領隊馬天尼斯今次點兵試陣心態明顯，50頂喼帽以上老將均未獲徵召，包括盧卡古、奇雲迪布尼、夏薩特、梅頓斯、泰拔高圖爾斯、恩歷克卡拉斯高等等，當中大部分都係多年攻擊主力，今仗以會改用贊奴沙、謝利美杜古、奧歷治等頂上，鋒力勢必受到削弱。

愛爾蘭體力化頂得住
主隊愛爾蘭未能出線世盃決賽周，不過球隊有大量英超球員壓陣，就算技術唔及比利時，鬥心、體力都絕唔會遜色，有力用硬淨防守抵擋比利時進襲。翻查數據，愛爾蘭近9仗主場，有8次總入球開出2球或以下，今場必追2.5球嘅入球細。