維加泰三神演入球騷|東方日報

日乙今午開快車，直播戲碼仙台維加泰主場迎戰大分三神。兩隊都係日職降班球隊，仙台維加泰降班後重整旗鼓，換帥增兵志切重返日職，不過上仗主場大敗士氣受挫；大分三神近況大起大跌，踢法有前冇後，兩隊近期都旺開大，今仗入球騷可期，捧2.5球入球大穩陣。

（有線661及601台周三下午6時直播）
兩軍踢法大開大合
仙台維加泰上季爆發財務危機，軍心散渙，最終降班收場。球隊落到乙組後重新振作，改由原崎政人執教，簽入遠藤康並得到北韓老將梁勇基回巢，季初保持不俗表現，一度位列次席，不過上仗主場淨吞町田澤維亞3蛋，難免士氣受損，今仗匆匆再戰不宜高估。

大分三神季初爆發疫情，頭5仗聯賽未嘗一勝，直至上輪主場4比1大破ＦＣ琉球，終於打開勝利之門，但之後日聯盃竟以1比6大敗於大阪櫻花腳下，表現極度飄忽。不過留意到該隊踢法開放，近5仗4次開總入球5球或以上，相當誇張；仙台維加泰亦同樣旺開大，近3仗全開3球或以上，今仗對賽雙方都係大開大合，捧入球大好路。