搶入前6熟晒路 鳳凰當西悉冇到|東方日報

今日下午澳職獨腳戲，要搶分爭入季後賽嘅威靈頓鳳凰作客西悉尼流浪者。鳳凰係7支仍有得爭季後賽資格球隊之一，鬥心不容懷疑，而且佢哋今季鬥悉尼球隊成績唔差，5戰獲2勝2和1負，受讓梗係揀威靈頓鳳凰讓球客勝。（myTVSUPER周四下午5時05分直播）

常規賽剩番兩輪，西悉尼流浪者已經冇機會殺入前6，今場波鬥心成疑，事實上，佢哋已經連續5季未能躋身季後賽，球隊整體發展方向出現咗問題。西悉近8場只係贏得1場咁大把，唔係話今場主場就好信得過，最大問題係佢哋攻擊力麻麻，24戰只入得28球，澳職入波數字排倒數第3。

西悉風流波靠唔住
威靈頓鳳凰因為疫情問題，到咗4月中先至真係返新西蘭主場比賽，之前接近半年時間，都留喺澳洲用悉尼一個球場做主場，所以喺悉尼熟晒地步。球隊今季鬥FC悉尼、FC麥克阿瑟同西悉3支悉尼球隊成績唔錯，5戰獲2勝2和僅1敗，包括兩周前喺「真主場」天空球場擊敗今場對手「西悉」。球隊要力求打入季後賽，最後兩場必定搏盡搶分，今場仲有得受讓，讓球客勝超抵玩。