艾夫斯堡地頭表現穩撐上盤|東方日報

瑞典超「雙堡之戰」艾夫斯堡主場對華堡，雙方今季成績均未如理想，但艾夫斯堡喺主場表現一向穩定，近4場聯賽主場出擊，獲得3勝1和，加上3場勝仗都係贏兩球或以上，相信可以輕取下游球隊華堡，主勝太熱冇肉食，今場艾夫斯堡讓一球、球半，不妨直取上盤。（周二凌晨1時開賽）

艾夫斯堡過去兩季聯賽都係爭標分子，但今季成績退步，現時僅排中游位置，幸好佢哋主場仍然保持水準，其中近4場聯賽主場獲得3勝1和，合共轟入10球。雖然艾夫斯堡中場安祖羅馬今仗停賽，但球隊為咗爭取盡快重返爭標行列，相信必定搏盡，把握地利全力搶分。

華堡近4作客輸3場
至於華堡今季聯賽10戰僅有3勝2和5負，開始受到降班威脅，同樣需要搶分，但礙於實力有限，顯得有心無力，特別係近4場聯賽作客只有1和3負，合共失9球，包括上仗聯賽作客以0比4慘敗於佐加頓斯腳下，恐怕今仗凶多吉少。