勝利船焗攻大起黃蜂|東方日報

日聯盃8強次回合大戰，福岡黃蜂主場迎戰神戶勝利船。首回合福岡黃蜂在超殘陣下，作客仍以2比1贏波先拔頭籌，今仗返回主場有信心再勝，面對「焗攻」嘅神戶勝利船將演對攻大戰，預料雙方會製造大量入波，入球大冇走雞。（周三晚6時開賽）

福岡黃蜂大營近期爆發疫情，首回合只能夠派出4名後備候命，中後場更加是重災區，後備門將山之井拓己更一度後備登場客串後衞，足證陣容殘缺。不過福岡黃蜂殘陣下仍以2比1獲勝，上場聯賽對大阪飛腳改期，球隊有1星期休養，可望以更強陣容應戰，在主場更有信心主動出擊。

首回合落後1球
神戶勝利船近況低沉，近3場賽事1和2負，包括上仗聯賽淨吞大阪櫻花3蛋，雖然有恩尼斯達、史提芬穆高沙、大迫勇也等星級戰將，但槙野智章、大崎玲央等防守球員錯漏百出，只能以攻代守。神戶勝利船踢盃賽一向進取，近4仗日聯盃賽事，總入球全開3球或以上，今仗要收復失地焗攻，入球大博得過。