基羅納啞火捱細界|東方日報

周六凌晨西甲獨腳戲，基羅納主場迎戰華拉度列，兩支下游球隊不約而同面對鋒力不足問題，今場對撼唔會輕率進攻，預料雙方都會先求做好防守本分，以至少保1分為目標，開出2.5球入球細機會高。

（Now632周六凌晨3時直播）
基羅納從西乙升班，射入22球嘅烏拉圭前鋒史杜安尼係靈魂人物，可惜呢位老將今個月初被發現心律不正，將要休戰至少1個月，嚴重打擊球隊入球能力。基羅納開咧4仗有2場食白果，當中3場總入球為2球或以下，呢隊波鋒力本來已經唔掂，依家想入波就更加困難。

華拉度列傷兵多
華拉度列同樣有傷兵問題困擾，加上以色列射手舒安韋斯文啱啱傷愈狀態未足，預計會繼續先任後備，令開季4場只入2球嘅鋒力更見削弱。翻查兩隊過去4次交手，有3次總入球開2球或以下，今場好大機會再開入球細。