每次碰頭必有激鬥 拜仁利華半大咪走寶|東方日報

周六凌晨德甲重燃戰火，拜仁慕尼黑主場迎戰利華古遜，兩支勁旅近期狀態低沉，急於爭勝重振軍心，今場踢法肯定非常進取。拜仁向來火力強勁，主場出擊必定狂轟猛炸，遇上踢法有前冇後嘅利華古遜，好大機會一埋牙即刻駁火，中位數1.5/2球嘅半場大值得支持。

（周六凌晨2時30分開賽）
拜仁今季改變踢法，球員適應上出現問題，近4場聯賽只有3和1負，教練拿高斯文備受壓力，主場急於求勝會主動搶攻。事實上，拜仁豪華鋒線仍然卡士十足，沙迪奧文尼、利萊辛尼、湯馬士梅拿都係頂級攻擊手；上輪雖然輸畀奧格斯堡，但亦有超過20次攻門，證明球隊創造入球機會嘅能力仍然強大，經過休戰期調整後，預料火力可以回復正常。

以攻代守旺入波
利華古遜今季表現同樣低迷，7場聯賽僅1勝，鋒線柏德列舒希克、赫臣奧杜爾及穆沙戴亞比等都有出色個人技術，入球問題唔大，但係7仗失12球嘅脆弱防線成為致命傷。利華一向以攻代守，每次對拜仁都鬥得燦爛，兩隊過去7次對碰都喺上半場埋牙，半場總入球全開2球或以上，半場大值追。