MNM齊章PSG吼半主|東方日報

今晚法甲1哥巴黎聖日耳門（PSG）主場鬥第3嘅馬賽。PSG有球王美斯傷愈復出，「MNM」齊章下火力全開，而且佢哋主場對親馬賽例必搶韁，直取半場主勝。（Now639周一凌晨2時45分直播）

PSG開季盡顯強勢，頭10輪聯賽贏8仗，不過上輪沙治奧拉莫斯做「紅牌阿姑」，打少一個下被蘭斯悶和0比0，美斯喺呢場同上周中歐聯對賓菲加因傷倦勤，如今已經好番復操，今仗可復出披甲。佢同拍檔尼馬及基利安麥巴比喺聯賽夾埋射入21球，可謂無堅不摧。

馬賽金身被破損士氣
開季表現都唔錯嘅馬賽，上輪雖有皮耶先開紀錄，但最終倒灶以1比2反輸畀阿些斯奧，今季聯賽金身被破，難免打擊士氣。睇番PSG近6次主場對馬賽，5次半場就領先，今仗半場主勝咪錯過。