皇馬夠穩定上盤食塞|東方日報

皇家馬德里今晚主場同巴塞隆拿合演西甲「國家打吡」，皇馬開季表現出色，一度錄得9連勝，雖然巴塞換血後有回勇迹象，但整體發揮唔及對手，近5次聯賽交手皇馬錄4勝1負，心理上有優勢，小讓平半上盤睇高一線。（Now632周日晚10時15分直播）

皇馬延續上季西甲及歐聯雙料冠軍強勢，今季由歐超盃開始，一度踢出9連勝走勢，加上歐聯鎖定16強資格，現階段可集中番聯賽爭霸。巴西射手雲尼斯奧斯祖利亞日漸成熟，今季已經有7球進帳，近期代替泰拔高圖爾斯把關嘅盧連亦唔太差，球隊以最佳狀態迎接今仗。

巴塞激戰過後體力輸蝕
巴塞今季簽入羅拔利雲度夫斯基及拉芬夏比洛尼等人後，實力確實有所提升，喺聯賽更壓住皇馬居榜首，不過佢哋踢大戰較為失色，尤其歐聯分組賽曾敗於拜仁同國米腳下，日前生死戰激鬥下逼和國米3比3，出線變得被動，球員體力及精神都有巨大消耗，今仗難免被睇低一線。