英錦賽：往績贏晒保頓主Ｗ值捧_東方日報

时间：2023-09-05 20:37　|　作者：足球帝　|　来源: 网络我要分享

英格蘭聯賽錦標北部E組賽事，衞冕嘅英甲球隊保頓，主場迎戰英乙嘅沙福特城。兩支球隊級數有別，而且保頓想重溫捧盃美夢，戰意肯定較高，主勝值得捧場。（周三凌晨2時45分開賽）

保頓上場2比1贏打比郡，英甲開季6戰有4勝1和1負佳績，暫時與數支球隊並列聯賽榜首，最大目標當然係升上英冠。保頓陣中有前鋒謝路美等前英超球員，實力有一定保證。

沙福特城敗仗連場

保頓踢盃賽同樣醒神，上屆英錦標佢哋就以7勝1和成績，由分組賽直衝終點捧走冠軍，球員已經有晒成功經驗，今仗戰意唔使懷疑。

沙福特城喺英乙表現麻麻，近4場聯賽輸咗3場，實力已經唔及保頓，加上近況欠佳，實在難以信賴，而且兩隊近4次交鋒，保頓4次都順利贏波，今仗捧主勝穩陣。

本站系本网采集转载，转载目的在于传递更多信息，并不代表本网赞同其观点和对其真实性负责。如涉及作品内容、版权和其它问题，请在三十日内与本网联系，我们将在第一时间删除内容