英錦賽：開火狂轟諾咸頓 牛津聯娛樂大家_東方日報

英格蘭聯賽錦標分組賽展開，邪神研究咗一場南部F組賽事，諾咸頓主場迎戰牛津聯，諾咸頓今季由英乙升上英甲，開季連盃賽在內3連敗，不過隨後已適應節奏，近3場取得兩勝，表現回穩。牛津聯同樣係英甲球隊，早前錄得4連勝，佢哋踢法有前冇後，近4仗全開3球或以上，嚟到英錦標場合，肯定踢得更放，中位數2.5球入球大有計。（周三凌晨2時開賽）

諾咸頓實力介乎英甲尾同英乙頭之間，近兩季降落英乙，兩季都排喺聯賽前列，上季取得英乙第3名重返英甲，開季6戰取得7分，依家位居中游，英聯盃首圈淨吞史雲斯3蛋出局，對於諾咸頓嚟講，英錦標先係佢哋表演舞台，相信球員比賽態度會更加認真，力爭贏波。

近4場全開大盤

牛津聯喺英甲打滾多年，一直都排喺中游，但又未夠班升上英冠，佢哋喺英聯盃首圈1比5大敗畀布里斯托城出局，自然想喺英錦標有一番作為，牛津聯踢法開放，近4場入球多，失球亦多，充滿娛樂性，今場作客諾咸頓勢必同對方駁火，肯定好精彩，2.5球入球大要捧場。