歐冠：波圖薩克達搏命做細界_東方日報

歐聯H組生死戰，波圖主場迎戰薩克達，兩隊同得9分，波圖以較佳對賽成績排第2，形勢上較有利，今仗只要保持不敗即可出線，反觀薩克達非勝不可，否則只能以第3名轉戰歐霸盃。以實力而論，波圖當然喺薩克達之上，首循環又贏對方3比1，今仗絕對可以睇定出擊，加上佢哋近5場歐聯主場4次開2球或以下，捧2.5球入球細最明智。（Now645周四凌晨4時直播）

波圖攞1分都夠數
波圖係歐聯常客，爭出線更係經驗豐富，上屆分組賽曾力壓布魯日、利華古遜同馬德里體育會首名出線，今屆由於同巴塞隆拿同組，爭次名出線都好正常，而且佢哋首循環贏過薩克達，只要今場做好防守唔畀對手入波就晉級，以波圖嘅能力同經驗，加上中堅大衞卡莫停賽刑滿復出，拍住老大哥比比同埋門將迪奧高哥斯達，要做到唔失波並非困難。

薩克達今場只有贏波先可以出線，目標明確，因此佢哋近期刻意加強防守，近4場3勝1和全部零失球，預計今場會先做好防守，再伺機出擊，開入球細機會甚高。