世亞洲：球迷大飽眼福4炮連發_東方日報

好波盛宴傍晚玩到凌晨
世盃外亞洲區C組，新加坡主場硬撼「太極虎」南韓。南韓目前以10分排榜首，出線相當穩陣，看守領隊金度勳安排孫興民等老大哥帶住多名新丁作戰，相信會盡情進攻，加上新加坡踢法搶韁，1.5球半場大更值博。
（on.cc東網周四晚8時直播）

新加坡踢法進取
南韓今屆外圍賽連場大捷，先後以5比0大炒新加坡、3比0輕取中國同泰國，晉級下圈冇難度，今次點兵繼續有孫興民、黃喜燦及李康仁等外流歐洲主力，火力澎湃。同時史篤城中場裴峻浩及町田澤維亞前鋒吳世訓等7人首次入選，佢哋有得落場必定盡情表現放膽進攻，有力延續強大火力。

新加坡喺呢組實力較弱，但喺日本領隊小倉勉帶領下，踢法仍然進取，兩戰中國雖然僅1和1負，但都成功入咗3球。睇番佢哋近3場分組賽，半場全開2球或以上，效力泰國巴吞聯嘅前鋒芬迪狀態甚勇，近4場球會賽省入3粒，主場出擊隨時一開波就嚟料，半場大好路。