英超：「兵城戰」必有激鬥_東方日報

阿仙奴主場迎戰曼城，賽前「兵工廠」排喺聯賽第2位，為保爭標希望今場不容有失，作客嘅「藍月亮」開始重回正軌，排喺聯賽第4位，今場「兵城戰」雙方各自為目標而戰，預期戰況將會相當激烈。

「兵工廠」上周聯賽以1比0作客險勝狼隊，雖然半場前小將利維斯史基利領紅，但隨着下半場狼隊祖奧高美斯兩黃一紅被逐後，費奧利立即一箭定江山，協助阿仙奴全取3分。不過史基利紅牌上訴成功，今場可以上陣，令主帥阿迪達有更充足既兵源去應付今場大戰。「兵工廠」今季聯賽主場賽事未嘗一敗，面對曼城嘅挑戰相信冇有怕。

曼城作客勝率低
曼城上周反勝車路士3比1，憑着加華度爾、艾寧夏蘭特及菲爾科頓先後建功，有驚無險下全取3分。新兵中堅卡胡辛洛夫處子戰卻踢得患得患失，另一新兵馬莫殊表現有驚喜，賽後主帥哥迪奥拿力撐卡胡辛洛夫，相信防線不濟嘅「藍月亮」仍然再次重用呢名新兵。

雙方近兩次交手都不分勝負，「藍月亮」今季作客成績欠佳，取勝率不足五成，今場作客失分機會頗高。

文:謝德謙