西盃：華倫受過教訓半細有揸拿_東方日報

今晚西盃8強大戰，華倫西亞主場硬撼巴塞隆拿。兩隊喺1個星期前交過手，當時巴塞隆拿主場毫不留情狂數華倫7比1，今場華倫返主場作戰，相信會知恥近乎勇，特別係做好防守避免再次大敗，加上一場過生死戰，預計戰況會更為膠着，一於捧1.5球嘅半場細。

（周五凌晨4時30分開賽）文:工廠仔

華倫西亞近期成績有反彈迹象，近4場賽事錄得3勝，唯一輸波就係畀巴塞「屠殺」，吸取過教訓之後，佢哋今場肯定會打醒十二分精神。事實上華倫主場表現尚算硬淨，上月迎戰另一勁旅皇家馬德里，大部分時間領先下，尾段先被「銀河艦隊」絕殺，可見上半場體力充沛嗰陣防守特別集中，近5仗主場半場總入球全開1球或以下，值得信賴。

巴塞或留力聯賽
巴塞今季表現飄忽，上場對住護級分子艾拉維斯，苦戰下驚險小勝1比0，踢落冇乜霸氣。考慮到佢哋3日後就要喺西甲作客西維爾，對追趕榜首「馬德里雙雄」相當關鍵，球員今場未必會付出大量體力喺比賽早段施壓，作客情況更加唔敢輕率進攻，1.5球半場細抵玩。