蘇哈仔：遭豪門唾棄何必自取其辱_星島日報

阿士東維拉在冬季轉會窗，以7,700萬歐羅賣走祖漢杜倫，用了2,500萬歐羅從多蒙特引入當耶爾馬倫，以及借入鋒將拉舒福特和馬高阿辛斯奧。這次操作有錢袋，鋒線級數亦大幅提升，尤其福仔和阿辛斯奧已經立即入局，但問題係兩人之後會否繼續留隊呢？

拉舒福特和馬高阿辛斯奧借用到維拉後，為新東家踢了3場英超，首場對葉士域治一起後備出場小試牛刀；第2場對利物浦一齊正選上陣，兩人雖然沒有入球和助攻，但在鋒線相當活躍，演出惹人好感；剛周末主場對車路士，福仔半場入替激活維拉鋒線，兩度交助攻予阿辛斯奧梅開二度，合力率隊反勝2:1。

拉舒福特5年來首次於聯賽單場交出2次助攻；阿辛斯奧就是4年來第一次單場聯賽入2球，兩人在維拉鋒線明顯高一檔次。福仔和阿辛斯奧的成長路雖然並不一樣，但共通點都是豪門成長，之後長期效力，有過高光時刻，但之後遇上樽頸位不進反退，無法在大球會取得正選席位，毅然離開尋求機會。

他們相中維拉，最主要是後者仍在歐聯角逐，有這個舞台去證明自己，當然維拉都希望靠他們的經驗在歐聯賺錢，贏得一關得一關，大家互惠互利。不過與大部分在豪門效力已久的球員一樣，唔想放棄高人一等的身份，有傳拉舒福特下季想投巴塞隆拿；阿辛斯奧亦想借維拉在下季去另一間豪門，這個想法隨時令他們打回原形﹗蘇偉業