西甲：戰意十足 華歷簡奴3.75倍首入啱體_東方日報

今晚西甲繼續開快車，尾場之一馬德里體育會主場迎戰華歷簡奴。季尾波戰意行先，馬體會依家處於等收咧狀態，不宜高估，反觀華歷簡奴仍有機會爭踢歐洲賽，而且踢法搶韁經常先入波，不妨捧客軍「第一隊入球」。（Now 632周五凌晨3時30分直播）文:法達斯維

馬體會各項賽事近9場法定時間，只係贏得3場咁大把，唔單止歐聯出局，之後喺西盃4強又被淘汰，聯賽亦接連失分，依家落後榜首巴塞隆拿13分，爭標機會渺茫，好大機會「四大皆空」。既然冇晒目標，前5又非常穩陣，「床單兵團」唔慌有戰意，眾將依家心態上都係等放暑假，佢哋近4場就算獲2勝，但竟然全部先失波，明顯心不在焉。

爭踢歐協聯一定搏命
相反，華歷簡奴現時排第10位，僅落後第8位嘅切爾達2分，爭取下屆歐協聯入場券未絕望。雖然華歷簡奴近況都係麻麻哋，但佢哋最鍾意先發制人，趁對手比賽初段未企穩陣腳，立即搶攻博入波，佢哋近4場聯賽就有3次先開紀錄，而且3次都係上半場已經取得入波，今場唔會放過馬體會，華歷簡奴「第一隊入球」有3.75倍，值得一博。