日職：惡客保榜首全力搏殺 鹿島下盤好選澤_東方日報

今日日職多場好戲上演，其中町田澤維亞主場迎戰鹿島鹿角值得留意。鹿島目前高踞聯賽榜首，為保1哥位球員戰意有保證，佢哋近5場聯賽作客取得4勝1負，走勢凌厲。町田澤維亞近況麻麻，主場亦無力發圍，今場鹿島竟然有得受讓平半，必捧下盤。

（無綫82台周六下午3時直播）文:Mic少

鹿島鹿角今季發揮相當穩定，即使4月曾經短暫陷入低潮，但好快就重回正軌，近10場聯賽獲得8勝1和1負佳勢，包括5月初以1比0擊敗町田澤維亞，今場再遇呢支手下敗將，心理上佔有優勢。佢哋現時僅領先次席柏雷素爾4分，有咩閃失隨時被追貼，眾將自然「醒水」全力搶分，唔會放過町田澤維亞。

町田澤維亞防線唔穩
町田澤維亞上季扮演神奇球隊角色，不過今季未能延續氣勢，現時位處中游，上場聯賽對住護級球隊湘南比馬，都要踢到比賽尾段先射入致勝1球，險勝2比1認真一額汗。事實上佢哋近7場聯賽得2勝2和3負，狀態麻麻，最大問題係防線欠穩，今季20場聯賽合共失咗24球，仲多過排尾二嘅FC橫濱，點擋得住客軍強攻，下盤屬不二之選。