沙特職：伊蒂法克大盤志在必德_東方日報

今晚沙特職「大戰」，伊蒂法克主場迎戰伊蒂哈德，今場係關乎亞冠精英盃參賽資格嘅關鍵戰役。伊蒂法克依家落後第5位、踢少1場嘅伊蒂哈德3分，今場非勝不可，預料雙方會開行火力鬥攻，開3.5球嘅入球大機會高。

（周五凌晨2時開賽）文:工廠仔

沙職前4席位已成定局，但第5位亞冠盃附加賽資格就爭崩頭，伊蒂哈德、艾塔亞文同伊蒂法克3隊競爭，其中兩隊今場正面交鋒，肯定打甩髀。伊蒂法克雖然形勢落後，但上場5比0炒卡赫利盡展決心，法國前鋒穆沙迪比利同荷蘭進攻中場韋拿杜姆齊齊入波，今次主場出擊，喺球迷打氣下一定搶攻，火力有保證。

對伊蒂哈德例演入球騷
伊蒂哈德貴為沙職衞冕球隊，今季表現令人失望，拎亞冠精英盃入場券係最低要求，球隊季中聘葡萄牙名帥沙治奧干斯卡奧執教，表有所改善，佢哋今季作客場均入接近2球，由安尼斯利、穆沙戴亞比同貝雲積組成鋒線反擊速度高，駁火場合大派用場。翻查兩隊近4次交手，有3次總入球開4球或以上，一於追中位數3.5球嘅大盤。