日職全速開動，開季氣勢強勁嘅町田澤維亞，今日主場迎戰狀態麻麻嘅川崎前鋒。町田澤維亞今季雄心勃勃，早前更高價簽入日本國腳前鋒小川航基，實力更上層樓。作客嘅川崎前鋒頹勢持續，加上受到傷患困擾，今場難擋町田澤維亞進襲，主勝值得捧場。（無綫82台周三晚上6時直播）文:工廠仔
町田澤維亞開季氣勢凌厲，喺聯賽先後大破FC東京、千葉市原同埋浦和紅鑽，雖然上場只能逼和水戶蜀葵，但4場賽事狂入13球；日皇盃派出大量後備出戰，仍然輕鬆贏3比0，足證球隊實力強大。町田早前再由荷甲帶番國家隊射手小川航基，令進攻線如虎添翼，佢上場首演後備上陣踢8分鐘已有兩次威脅埋門，相信適應後會逐步展露威力。
前鋒傷兵多表現不穩
相反，老牌球會川崎前鋒開季4輪聯賽僅得1勝，頭3輪聯賽更加全部和波，而且都要喺落後情況下，經歷艱苦逼和對手，演出極不穩定。川崎前鋒依家受傷兵困擾，家長昭博、小林悠同宮城天等人氣球星都有傷在身，加上球隊防守力疲弱，已經連續5場賽事未能保持清白，今場作客質高態勇嘅町田澤維亞，開主W機會最大。
町田澤維亞開季氣勢凌厲，喺聯賽先後大破FC東京、千葉市原同埋浦和紅鑽，雖然上場只能逼和水戶蜀葵，但4場賽事狂入13球；日皇盃派出大量後備出戰，仍然輕鬆贏3比0，足證球隊實力強大。町田早前再由荷甲帶番國家隊射手小川航基，令進攻線如虎添翼，佢上場首演後備上陣踢8分鐘已有兩次威脅埋門，相信適應後會逐步展露威力。
前鋒傷兵多表現不穩
相反，老牌球會川崎前鋒開季4輪聯賽僅得1勝，頭3輪聯賽更加全部和波，而且都要喺落後情況下，經歷艱苦逼和對手，演出極不穩定。川崎前鋒依家受傷兵困擾，家長昭博、小林悠同宮城天等人氣球星都有傷在身，加上球隊防守力疲弱，已經連續5場賽事未能保持清白，今場作客質高態勇嘅町田澤維亞，開主W機會最大。