前线报料：維拉利爾 VS 華倫西亞

維拉利爾 對 華倫西亞

軍情

維拉利爾首席前鋒卡路士巴卡剛戰連中三元，腳風大順，此子只要今戰取得入球，將追平了由烏拉圭名將科蘭創下的球會紀錄，連續5戰入波，鬥志有保證。「黃色潛水艇」近期已開始為下季做準備，有傳已睇中了愛斯賓奴前鋒謝拉特摩蘭奴及拉科魯尼亞守將薛尼列曹，相信會給予了陣內球員壓力。

華倫西亞班主林榮福日前曾返到球會大本營，與主帥馬些連奴商討新季發展，勢令軍心振奮。後防主力加雷今戰波監刑滿復出，可穩固防線。左閘荷西加耶與球會傾續約已接近完成，今戰可專心全力應戰。從國際米蘭借用的中場干度比亞，今季表現令人滿意，「蝙蝠兵團」將會在本月內將其買斷。

維拉利爾
停賽：／
上陣成疑：柏保路科奴斯（中場）、
受傷／缺陣：李奧蘇亞雷斯（中場）、查維富亞高（中場）、般奴蘇利安奴（中場）、拉美路古拿（中場）、魯賓森美度（後衛）

華倫西亞
停賽：／
上陣成疑：／
受傷／缺陣：高基連（中場）、查維占美利斯（後衛）

近況

維拉利爾現時排名第6，仍要為爭逐歐霸盃資格努力。「黃色潛水艇」近況理想，近期取得2連勝，不過，始終所贏兩場對手實力普通，今戰硬撼華倫西亞，不易延續勝績。華倫西亞只要在今場贏波，便可鎖定歐聯資格，鬥志高昂。無疑，「蝙蝠軍團」近期狀態回落，近4戰只得2和2負，但至少近2戰都能和波收場，今戰出訪維拉利爾，憑較佳實力及決心，亦有望取回至少1分。「讓球主客和」華倫西亞[+1]，必捧客勝。

對賽

華倫西亞上次作客對賽，贏2比0。
兩軍近6次交手，有5次開出「總入球」2球或以下。