马赛主迎蒙彼利埃和波格

马赛中场皮耶特喺队内如今前场人手短缺嘅情况下需要肩负起更多责任。随住巴黎圣日门今季顺利复辟江山，法甲冠军谁属嚟到4月份已经毫无悬念可言。不过咁样并唔代表法甲已经无嘢可关注，其中嚟紧下周一凌晨就将上演一场欧战资格争夺战，届时同样排名积分榜前列嘅马赛及蒙彼利埃将在前者地头一决高下。两队如今都求胜心切，各不相让嘅局面应可预期，和味确实涌现。

对于蒙彼利埃粉丝而言，球队今季表现其实已经交到功课，对比上季饱食降班惊风散之苦，蒙彼利埃如今甚至有机会争夺来季欧霸入场券，战意如何无需多讲。至于主队马赛，论牌面球队肯定在蒙彼利埃之上，加上主场一向甚恶，取胜看似水到渠成。可惜球队今仗不仅有包括门将文当达、中坚艾迪拉美和中场泰奥云齐齐因伤避战，同时上仗联赛有波入嘅攻击手奥甘普斯是役又因黄牌满额被罚坐波监，球队三线实力势必有所影响。另外更为关键嘅因素系，马赛喺下周中将需要分心应付欧霸杯半准决赛与德国实力份子RB莱比锡嘅次回合赛事，由于首回合作客落败，马赛如今可谓背水一战。即使球队如今喺联赛中同样需要抢分争二保三，但此番面对有备而来嘅蒙彼利埃，马赛实在难有必胜把握。

至于今仗赛事嘅焦点球星对碰上，由于队内头号射手泰奥云嘅缺席，马赛今仗将会更加需要依靠中场皮耶特嘅串联组织能力，力求帮助球队搵到入波之匙；而喺蒙彼利埃方面，赛季至今联赛贡献双位数入波嘅攻击手基奥云尼古尔同样值得重点留意，过去两仗联赛攻入3波嘅呢位科特迪瓦球星如今状态十足，绝对会系马赛后防线今仗嘅心腹大患。

另外喺盘路方面，碍于今仗和味甚浓，如果想话串返条过关飞嘅话，本场和局绝对系铁胆嘅不二之选，至于波胆上，两队今季都较为偏爱开出1比1嘅赛果，各位波友不妨留意。

分享到：