澳職：射手態勇全力數胡 勝利大盤手到拿萊_東方日報

澳職尾場「2哥」墨爾本勝利主場鬥阿德萊德聯。墨爾本勝利射手科拿路利大勇，誓於離隊參戰亞洲盃前入波助球隊爭勝。「阿聯」對墨城特別醒神，今場唔會捱打，有力炮製入球騷，推介3.5球嘅入球大。（無綫85台周六下午4時45分直播）

墨爾本勝利今季仍然靠科拿路利搵食，而佢仍然交到貨，至今已經射入12球，獨霸澳職神射手榜首。呢位36歲前鋒再度入選澳洲國家隊，踢完今場就要向「袋鼠兵」報到備戰亞洲盃，將會缺陣墨爾本勝利最少6場賽事，都咪話冇影響。

墨爾本勝利今季聯賽仍然保持不敗，不過開咧至今和波稍多，9戰錄得4勝5和，科拿路利今場必然使出渾身解數，希望爭取入波，為球隊搶3分，鞏固前列位置。

阿聯近期入得失得
阿德萊德聯作客一向係球隊弱項，但偏偏佢哋面對墨爾本勝利經常有不俗演出，近4次交手獲1勝3和。佢哋聖誕節前以3比1擊敗紐卡素噴射機，終止3連敗，信心回升，加上近6場有4次開4球或以上，有力同墨爾本勝利鬥攻，3.5球入球大捧得過。