亞女足：火力全開爭金牌 日本北韓鬥攻入球騷_東方日報

亞運女足決賽，日本女足與北韓女足爭奪金牌。雙方都喺晉級過程中，顯示超勁入球能力，「東瀛女足」5仗入35球，北韓女足4場亦入29球，預料今仗一開波就鬥攻，日本女足5場女亞足全開7球或以上，2.5球入球大必捧。

（HOYTV76台周五晚8時直播）
日本女足4強鬥中國作出部分輪換，將以6球暫列射手榜次席嘅大澤春花放喺後備席，但上半場仍然輕鬆領先4比1，最終4比3贏波進身決賽。日本女足攻力強橫，除咗大澤春花，上野真實喺最後一場分組賽，對住菲律賓女足食出「大四喜」，多把尖刀確實令對手防不勝防。

兩軍近4場全開5球或以上
北韓女足雖然因為疫情防控問題，3年幾嚟缺席國際賽，但其實球隊喺亞洲實力屬一線，過去7次參戰亞運，6次取得獎牌，更曾經3度贏得金牌。北韓女足於4強大勝烏茲別克女足8比0，氣勢強勁，晉級過程中入29球只失過1球，今場肯定同日本女足鬥攻。

睇番晉級過程，北韓女足4場全開5球或以上，日本女足近5場甚至全開到7球或以上，依家中位數只係2.5球，入球大真係抵玩到爛，鍾意高賠率嘅朋友，更可以一試3.5球入球大，同埋小注20倍總入球「7+」。